السلام عليكم اخواني اخواتي اكتب البوست وانا مقهوره
اليوم اول يوم لدوام هيئة المقاريد التدريسيه واليوم ادركت فعلا انا لازم اخاف من شي اسمه انفلونزا الخنازير اليوم الدراسي غييييييييييييييير من جميع المقاييس الناس خايفه ولابسين كمامات ومايسلمون إلا بالمصافحه ومن بعيد والله على الجاليه الي واصلين من بره طازه الفير طابين الساعه 8 امداومين معانا يعني لا فحص ولا بطيخ وطبعا ابله غمنده خلصت باكيت ديتول المقم من كثر ما امسح ايدي وان مرت عامله من الي يتسدحون بالجليب يم غرفتنا كلنا طقينا لثمه والوضع بايخ جدا ومضحك نفس الوقت وألي يحر بالموضوع من الصبح يايين مدرستنا دكاتره من وزارة الصحه مختارين مدرستا يسوون فيها دورات تدريبيه للمعلمات اشلون انتعامل مع الحاله المرضيه ما ادري احنا شكو اااااااااااااااااااخ على وزاره التربيه اااااااااااااااااااااه ميته من القهر منها يعني بيتغير مسماي الوظيفي من ابله غمنده إلي.............. سستر غمنده هانم والله حرام يكو من خططنا التعليميه انا انبخر الغرفه بالياوي واللبان الذكر رايحين المدرسه انحظر للأرواح مو ادروسنا
والله الوضع كلش مو مريح موت يالخطط ياوزاره التربيه يبون كل مرحله لها فرصه ومايبون طابور صباح ومايبون مقصف عيل ليش تخلونهم يداومون يمال..........على قولت يدتي والله مصاخه كل دول الخليج موقفين المدارس لمدة 4 اشهر ألا احنا على راس مناهجنا الفاشله ريشه من زينهم عاد وويييييييييع
اصار فينا بسنن الدمج بالغزو كانا خلصنا وصرنا وكبرنا واتخرجنا وله هالجيل الي مايعرف كوعه من بوعه غيييييييييييييييييير
والله للحين محتره واقووووووووووووول اااااااااه يالقهر
ايي بعد فضفضي طلعي القهر الي فيج لوول
ردحذفحده شي يقهر
شدعوه الدراسه جذي مهمه لي درجة انه الانسان بيموت بس غضبنا عليه يداوم
اللعنت خير وزارة التربيه اذكيه
لو الديره بيصير فيها زلزال ويدرون احتمال كبير المدارس راح تتهدم بس اهمه اذكيه راح يقولون حق الطلاب داوموا و ديربالكم
يعطيج العافيه
انا بعد مستغربه ليش مستعيلين على الدراسه .. يعني كلش ذابحتهم المناهج والتدريس القوي .. يعني الحين يخافون عيالنا بيطوفهم شي .. ما جنه مساكين الخريجين صارلهم سنتين بالديوان محد عينهم في مكان طاح حظ العدو .. اي خلووووهم بالبيت يه !!
ردحذفعصبت ترا :<
تعالي .. توني ادري ان الياوي ومادري شنو له فايده في هالسوالف @@
صج عاد ؟ والا اجتهادا منكم؟ @@
هلا والله اخوي المباركيه
ردحذفقلبي متروسه على قولتهم والله كلنا مليون ويذبحونا
شكرا على مرورك الحلو
هلا حبيبتي fishah
ردحذفانتي من الحجي عصبتي شقول انا بقلب الحدث
وترى الياوي ولبان الذكر والمره معقم قوي وزين مو اجتهاد شخصي صار معروف بين الناس
ويارب ما نشوف شر
ومشكوره على الطله الحلوه
أعانكم الله !
ردحذفولكن هذه ضريبة مهنة التدريس أعاذنا الله منها ^_^
إيلاف
السلام..
ردحذفخخ حتى احنا ندوم انا قلت لي عطلتوا بعطل معاكم :)
شفتوا شلون ازركم..
ومرسي..
ايلا ف شكرا على الدعوه الحلوه
ردحذفومهنة التعليم مهنه حلوه بس كرهونا فيها وزارتنا
وشكرا على المرور الحلو
رورو شكرا على الطله الحلوه
ردحذفومرسي لج
إنتي بثنويه جمانه ؟
ردحذفلأن حتى امي مختارين ثنويتهم ومسوين فيها الدورات التدريبيه مادري شسمها
كل عام وانتم بخير
ردحذفتمنياتي بقضاء عيد سعيد