السلام عليكم اخواني واخواتي اكتب البوست وانا كلي حزن وكآبه .......................
الأسبوع القادم لازم احنا المقاريد انداوم بالمدارس ويسمونا الهيئه التدريسيه ...
طبعا أول سنه اداوم العام الدراسي اليديد وما اجهز عدة المدرسه قلم احمر , اقلام لوح , وغيرها من الأدوات الي تاخذ ربع الراتب ولله الحمد
هالمره غير غيييييير العدة مكونه من:
* كمام ويفضل اشواريا فسكي
* ديتول الجل
* مناديل ديتول
*صابون سائل
* كرت يتعلق على الملابس مكتوب عليه ممنوع البوس واللم بليييييييز
والله ياناس صج خايفين اشلون انداوم والمرض منتشر يكافينا الشر والأوادم اتموت واحنا بالمدارس عندنا العاملات من هالجنسيات الي يتسدحون بالجليب والحساوي مابقى فايروس مو لاقطينه والله صج خايفه عاد احنا المعلمات لازم تاخذج بالحضن وخصوصا من جنسيات معينه ما اتكفيها بوسه وحده لا لازم تكسر الحنج يالله ترتاح والله خايفه
حرام عليهم والله ماراح يصير عندنا تركيز وقت الشرح واذا وحده من الطالبات اعطست ببجي واطلع بره الصف
الله يحفظنا يارب من كل شر
ابلة غمندة صبحج الله بالخير
ردحذفلا تحاتين .. ماكو الا العافية ان شالله
شربي مرقة باچة مع الريوق .. تعطيج مناعة و تبعد عنج مكاين البوس
:)
** صباح الخير و يالله بسكم نوم عيشوا المأساة مثلنا فزعة من صباح الله خير و ديري بالج عن التلمم كلش مو وقته و يختي الصحه مافيها مستحه الله يعينج عالحنه انتوا المدرسات المفروض الجنه على طول من الظيم اللي تشوفونه
ردحذفهلا اخوي عثماني
ردحذفانشاله ماكو إلا العافيه بطيعك شاسوي بعد بس مااحب الباجه ومكاين البوس لو شنو ماتوقف ههههههه
سعيده بطلتك الحلوه
اااااااااااه من القلب ياميمه رادين انشالله
ردحذفوالجنه لج بعد فديتج والله اول مره احد يدافع عنا و
حلو مرورج لا اتقاطعين يالغاليه
مساء الخير
ردحذفأول زيارة للبلوق وأكيد ماراح تكون الأخيرة
المشكلة في غياب الثقة بوزارة الصحة حتى لو أكدت منظمة الصحة العالمية على عدم الجدوى من تأجيل الدراسة...نظل في قلق لو قدر الله وصار الي صار راح يكون تعاطي الوزارة مع المرض أقل من المطلوب.
مساء الورد
ردحذفشي طبيعي وواثقين منه
وسعيده بالمروور الحلو
عيل خل أقولك سالفة صارت أمس
ردحذفدشيت مع الاستشارية جناح حوامل, وكانوا كل اللي بالجناح لابسين كمامات .. سألناهم عن السبب, قالوا في حالة فيها انفولنزا خنازير من المرضى الحوامل, قلنا طبعاً الدكتورة ماراح تخاطر ابحياتها وابحياة طلبتها .. لما دشينا على أحد المريضات وأخذنا تاريخها, إطلعت اهي اللي فيها الوباء واحنا قاعدين يمها
:(
دكتورة .. ليش يايبتنا دام انها مصابة بانفلونزا الخنازير؟ جان تقول مافيها حرارة, لكن التحليل طلع بالإيجاب ..! الله يستر بس
وأتمنى لك عام دراسي بعيد عن كل أنواع الإنفلونزا والأمراض .. وبالتوفيق أبلة
:)
الله يبشرك بالخير ومشكور على الدعوه الحلوه والله يستر علينا الكمامات فينا فينا
ردحذفوشكرا على المرور الحلو