الاثنين، 19 أكتوبر 2009

أسرى الخدم


السلام عليكم اشلونكم اخواني وخواتي ادري غمنده هانم قديمه اخر موضوع لي كان عن العيد والله فشله

المهم حبيت اكتب عن شغلى حارتني وايد وأهيا الخدم واليهال الخدم و حشاشة يوفنا حشاشة يوفج يالي حملتي 9 أشهر جربتي حلاوة الولادة

وقلتي بغيت أموت وأخر شي مكبره المخده ونايمه ولا طالعه وقاطه يوفج على قولتج عند معذبينهم الخدم

انا بعرف شي واحد يا بعض من يدعي الأمومه اشلون تخلين الخدامه اهيا الأم البديله بالكامل بالكامل يعني توكل - تشرب الدوا -تلعب مع الياهل الله وأعلم شنو اللعب _ وأخر شي ينام عندها بليل

أدري البعض راح يقول كلش غمنده هانم ماعندها خدامه ولا تبالغ وايد انا اقول الخدم مهمين بس مو لي درجة انها تلغي وجودي كأم والخدامه اييبها كفوها تغسل ملابس وتكرمون الحمامات مو تغسل وتربي حشاشة يوفي مافي مانع اتشوف الياهل بس مو لي درجة التعلق الياهل لازق برقبتها يتنشقها تنشق الله يعينه وأهيا ياية من بيئه الله واعلم اشلون انا ماراح اتكلم عن بلا ويهم الكل عارفها بس في ملاحظه عندي ليش لما الأم يمال الكسار تدز الخدامه للفروع بالقوايل لازم يكون معاها الياهل سواء بنت يفقصونها السواويق او ولد عيزانه تشوف حشاشة يوفها 10 دقايق

انا استغرب الصراحه لما اشوف السايق بالهده أهو اللي ياخذ البنت من الروضه لا ويشيلها على جتفه ما الحكمة لا أعلم ؟؟؟؟؟

وفي سالفة ضحكتني وحدة تقولي وأهيا اكبيرة ألحين أم إعيال تقول انا للحين اذكر خدامتنا إلي عندنا 10 سنين كانت كل يوم وانا صغيرة توكلني قفشة كركم ناعم الله واعلم كان كركم ولا شي ثاني ؟؟

انا اقول فكوا يا أباء ويا أمهات قواطي الروب أمهات العازه قيود أسرى الخدم اعيالكم ......

والله يكفينا شرهم يارب

هناك 5 تعليقات:

  1. الله يكافينا شرهم ..
    أصلا وصلت فيهم المواصيل أن معطينهم الثقه الكامله !!

    مره وحده شافت السايق مع بنيه صغيره ولما قالت حق المعزب .. قام سبها وقالها أنتي تيين تعلميني بالسايق اللي عايش معانه 20 سنه !!

    الله عامي بصيرته حسبي الله عليهم

    ردحذف
  2. صاجه والله فيه امهات مو مقدرين هالنعمه اللى الله معطيهم اياها وعبالهم الامومه بس تشري هدوم حق الياهل وترززينه وتودينه تصورينه بس منو اللى يوكل ويغسل ويحفظ ..الله يعافي ميري وتابعاتها

    ردحذف
  3. والله معاج حق، صارت الحرمة تييب عيال عشان ترميهم على الخدامة

    والرياييل نفس الشي اللهم يرمونهم على السواويق

    وبالنسبة لام ملعقة كركم ترى معاها حق الخدامة، الكركم على الريق زين للصفراوية

    يعطيج ألف عافية ^_^

    ردحذف
  4. نرجوا ان يتم الكتابة باللغة العربية الفصحي حتي نفهم ما يكتب

    ردحذف